Fetimpirenena 2013 tao Milano

Voninahitra hoan'ny biraon'ny fikambanana ny maneho etoana ny fisaorana sy fankatelemana ho anareo rehetra eto amin'ny manodidina an'i Milan sy ireo tonga avy lavy lavitra (Frantsa, Roma, Padova, Parma, sns tsy voatanisa) izay tonga nanotrona ny fankalazana ny fetim-pirenena tamin'ny Asabotsy lasa teo tao amin'ny Via Pienza 11(MI).

Velom-bolo tokoa izahay ary nahatsapa tamin'ny fahaizan'ny tsirairay nampiseho (mivantana sy an-kolaka) porofom-pitiavan-tanindrazana ho reharehan'i Madagasikara; koa noho izany dia heverinay fa "adidy tsy an'olon-dratsy" ny miezaka hatrany hisokatra ary hampiroborobo ny SOATOAVINA MALAGASY sy ny FIRAISANKINA ary ny FIHAVANANA misy eo amintsika tsirairay avy TSY AN-KANAVAKA araky ny tanjon'ny fikambanana AN-TSITRAPO izay mandala ihany koa ary manaja hatrany ny safidin'ny tsirairay isam-batan'olona amin'ny tany demokratika toa an'i Madagasikara sy ny firenen-kafa.

Eto am-pamaranana dia mamerina indray ny fisaorana,mankasitraka,mankatelina ary mirary soa hoan-tsika rehetra,ho ela velona anie ny GTM!!!

AM-PITIAVANA