You are here

Nisokatra indray

Nampidirin'i superadmin ny Mon, 30/05/2005 - 12:35

Misokatra tsikelikely indray ity takelaky ny Malagasy eto Italia ity. Mbola betsaka ny zavatra tsy tena tomombana ka manantena ny fifanampiantsika rehetra. Inona avy ireo zavatra vaovao?

[b]Ny fampiantranoana[/b]
Amin'izao fotoana izao dia napetraka amina toerana maimaim-poana atao hoe 100webspace.com ny takelaka malagasy.it. Maimaim-poana io ka izay no antony mampisy an'io dokam-barotra etsy ambony etsy io. Raha andoavam-bola mantsy dia eo amin'ny 71.40$ (65 euros) isantaona no hofan'itony takelaka itony ( http://www.100webspace.com/plan1.html ). Tsy afaka (intsony) handoa an'izany aho fa raha ohatra ka misy vonona hanohana mivantana dia azo atao ny manoratra aty amiko hery@serasera.org .
Raha tsy misy dia hapetraka amin'izao fa tsy dia maninona loatra.

[b]Ny teknika anatiny[/b]
Ny fitaovana nanamboarana ity takelaka ity dia ny fitaovana antsoina hoe solaitra izay fitaovana noforoniko manokana entiko manamboatra takelaka maro, anisan'izany ny serasera.org
Maimaim-poana no anomezako io fitaovana io ho an'ny malagasy.it fa raha misy te hampiasa izany ho an'ny takelaka manokana dia afaka manoratra aty amiko ihany.

[b]Inona ny zavatra vaovao ato?[/b]
Ny efa vita dia ny Forum izay toerana hifandraisana sy hifanontaniana momba ny lohahevitra isankarazany. Ny tahirintsary izay tsy niova fa mbola toerana fampidirana sary ihany. Ny hetsika izay toerana ahitana ny fandaharam-potoana isankarazany eto Italia. sns...
Mbola tsy vita tanteraka ny takelaka na dia efa azo ampiasaina aza.

[b]Ny mpiara-miasa[/b]
Ny mpiara-miasa mikarakara ity takelaka ity hatramin'izao dia

Hery ( http://hery.serasera.org )
Andry ( http://andryrungi.it )
Radiovazogasy ( http://radiovazogasy.com )
Ary mazava ho azy
serasera.org ( http://serasera.org )

Misaotra betsaka.
Hery